"İnter Mayami"nin dünyaca məşhur futbolçusu Lionel Messi PSJ klubundakı ayrılığından söz açıb.

Futbolmedia.az xəbər verir ki, argentinalı ulduz futbolçu burada xoşbəxt olduğunu da gizlətməyib.

"Həmişə MLS-də oynamaq haqqında düşünmüşəm. Bunu dəfələrlə demişəm. Bu liqa məni cəlb edirdi və orada oynamaq istəyirdim. "İnter Mayami"də oynamaq imkanı yarandı. "Barselona"dan məcburi ayrıldıqdan sonra ora keçmişdim. Bu iki il mənim üçün o qədər də xoş keçmədi. Xoşbəxt deyildim, məşqlərdən, oyunlardan zövq almırdım, adaptasiya prosesi mənim üçün çətin idi.

Mən "İnter Mayami"yə keçmək istədiyimi hiss edirdim - böyüyən və hələ çox gənc olan bir klub, cəmi bir neçə illik tarixi var. Onun inkişafına kömək etmək ideyası xoşuma gəldi. Üstəlik, bilirdim ki, bu şəhər həm mənə, həm də ailəmə xoş olacaq. Burada əvvəllər bir neçə dəfə olmuşdum, amma dostlarım və ailəm şəhər haqqında çox danışırdılar. Mən isə düşündüm ki, doğru zaman yetişib. Və indi heç də peşman deyiləm" - deyə Messi bildirib.