"Sumqayıt"ın baş məşqçisi Vaqif Cavadov Misli Premyer Liqasının 21-ci turunda "Araz-Naxçıvan"la 0:0 heç-heçə etdikləri oyundan danışıb.

Futbolmedia.az xəbər verir ki, o, matçdan sonra keçirilən mətbuat konfransında deyib:

"Maraqlı oyun alındı. Düşünürəm ki 1-ci hissə daha çox bizim üstünlüyümüzlə keçdi. Əfsuslar olsun ki, penalti imkanını qola çevirə bilmədik. Amma belə rəqibə qarşı əldə olunan 1 xala görə komandama alqış düşür. Qələbə qazana bilmədiyimiz üçün üzülürük. Lakin göstərdiyimiz mübarizə ilə qələbə əzmimiz də artır. Növbəti oyunlara hazırlaşacağıq".