Misli Premyer Liqasında 21-ci tur davam edir.

Futbolmedia.az xəbər verir ki, bu gün daha iki matç keçiriləcək.

Günün ilk oyununda “Turan Tovuz” öz meydanında “Səbail”i qəbul edəcək. Ötən tur “Qarabağ”ı məğlub edən Tovuz klubu bu matçda da qalib gəlsə, ən azı bir günlük yenidən üçüncü pilləyə qayıdacaq.

Üçüncü dövrədə keçirdiyi hər iki oyunda qalib gələn “Səbail” isə çətin Tovuz səfərindən də maksimum nəticə ilə qayıda bilsə, turnir cədvəlində iki pillə irəliləyəcək.

Cari mövsüm bu komandaların ilk iki oyununda 3 qol vurulub. Öz meydanında 1:0 hesabı ilə qalib gələn “Turan Tovuz” səfərdə 1:1-lik heç-heçəyə nail olub.

Qeyd edək ki, günün ikinci oyununda “Sumqayıt” “Araz-Naxçıvan”ı sınağa çəkəcək.

Misli Premyer Liqası

21-ci tur

1 fevral

16:00. “Turan Tovuz” - “Səbail”
Hakimlər: Tural Qurbanov, Vüsal Məmmədov, Rəhman İmami, Elvin Bayramov
VAR: Rauf Allahverdiyev
AVAR: Kamran Bayramov
Tovuz şəhər stadionu.

18:30. “Sumqayıt” - “Araz-Naxçıvan”
Hakimlər: Cavid Cəlilov, Müslüm Əliyev, Eyyub İbrahimov, Kamran Əliyev
VAR: Əliyar Ağayev
AVAR: Zeynal Zeynalov
Mehdi Hüseynzadə adına Sumqayıt şəhər stadionu

2 fevral

19:00. “Zirə” - “Qarabağ”

31 yanvar

“Kəpəz” - “Sabah” - 3:2

“Neftçi” - “Şamaxı” - 1:0