Kipr çempionatında 3-cü turun oyunları keçirilib.

Futbolmedia.az xəbər verir ki, Avropa Konfrans Liqasında “Qarabağ”ın rəqiblərindən olan “Omoniya” doğma meydanda “Doxa” ilə qarşılaşıb.

“Qarabağ”ın rəqibi bu oyundan qələbə ilə ayrılıb – 2:1. 73-cü dəqiqədə hesabda geri düşən, 85-ci dəqiqədə isə azlıqda qalan "Omoniya" 90+3 və 90+8-ci dəqiqələrdə vurduğu qollarla qələbə qazanıb.

“Omoniya” 3 turdan sonra 3 xalla 12 kollektiv arasında 9-cu pillədə qərarlaşıb.

Qeyd edək ki, “Omoniya” Konfrans Lqasında növbəti oyununu "Qarabağ"a qarşı keçirəcək. Bu görüş sentyabrın 30-da Kiprdə, ikinci qarşılaşması isə noyabrın 25-də Bakıda olacaq.