“Barselona”nın hücumçusu Robert Levandovski komandasının UEFA Çempionlar Liqasının 7-ci turunda Lissabon “Benfika”sı üzərində (5:4) qazandığı qələbəni şərh edib.

Futbolmedia.az “Marca”-ya istinadən xəbər verir ki, polşalı futbolçu həm müdafiədə, həm də hücumda inkişaf etməli olduqlarını bildirib:

“Bu gün “Benfika”dan üç qol buraxdıq, amma daha çox fərqlənən qalib gəlir. Həm müdafiədə, həm də hücumda inkişaf etməliyik. Bizdə bir şey çatışmır, diqqətimizi bu problemlərə yönəltməliyik. Düşünürəm ki, bugünkü qələbə mövsümün qalan hissəsində bizə inam verə bilər. Ancaq biz harada inkişaf edə biləcəyimizi təhlil etməliyik. Gələcəkdə oyunumuzu daha inamlı idarə etməliyik”.

“Barselona” Çempionlar Liqasının ümumi mərhələsinin son turunda “Atalanta” ilə qarşılaşacaq. Oyuna yanvarın 29-da, saat 00:00-da start veriləcək.