"Barselona"nın baş məşqçisi Xavi komandanın hücumçusu Robert Levandovski haqda fikirlərini bölüşüb.

Futbolmedia.az xəbər verir ki, o, "Marca"ya açıqlamasında deyib: “Mənim oyun fəlsəfəm dəyişmir. Amma demək lazımdır ki, Robert hərtərəfli oyunçudur və rəqibləri arasında qorxu yaradır. O, rəqib mərkəz müdafiəçilərinə çoxlu problemlər yaradır. Çalışacağıq ki, onun yerinə kim gəlsə, eynisini etsin. Amma çətindir. Levandovski kimi dünya səviyyəli futbolçunu əvəz etmək çətindir”.

Xatırladaq ki, Robert Levandovski sol ayağındakı topuğunun burxulması səbəbindən qeyri-müəyyən müddətə sıradan çıxıb. 35 yaşlı futbolçu Çempionlar Liqasının 2-ci turunun "Portu" ilə oyununda zədələnib.