“Barselona”nın yeni transferi Robert Levandovski uğurlu seriyasını davam etdirir.

Futbolmedia.az xəbər verir ki, 34 yaşlı polşalı hücumçu dünən La Liqanın 5-ci turunun “Kadiz”lə səfər matçının (4:0) 65-ci dəqiqəsində komandasının 2-ci qolunu vurub. Bundan başqa, o, daha 2 qolun ötürməsini edib.

Levandovski “Barselona”dakı debüt mövsümündə La Liqada 5 oyunda 6-cı qolunu vurub. İndiyədək La Liqada bu göstəricidə rekord ilk 5 oyuna 5 qol vuran Kriştiano Ronaldoya məxsus idi.

Levandovski bu mövsüm Çempionlar Liqasının ilk qrup matçında (5:1) isə 3 qolun müəllifi olub.

Beləliklə, onun “Barselona”dakı startını əla adlandırmaq olar: 6 oyun, 9 qol, 2 qol ötürməsi.