"Real"ın baş məşqçisi Karlo Ançelotti futbolçusu Kilian Mbappe haqda danışıb.

Futbolmedia.az xəbər verir ki, bu barədə sport.es saytı məlumat yayıb. O deyib:

"Günü-gündən Mbappe inkişafa doğru gedir. Kilian meydandan kənar, fasilədəki davranışını dəyişib. O, sakit və təvazökardır. Bununla belə Mbappenin meydandakı statusu yüksəlib. O, çox yüksək səviyyə göstərir və komanda yoldaşlarına kömək edir. Bir ay əvvəl demişdim ki, onun adaptasiya prosesi başa çatıb. Hiss edirəm ki, o, hər gün yaxşılaşır".

Qeyd edək ki, Kilian Mbappe bu mövsüm "Real"ın heyətində 28 matça çıxaraq 15 qol vurub və 3 qolun ötürməsini edib.