"Real"ın baş məşqçisi Karlo Ançelotti futbolçusu Kilian Mbappenin oyunundan narazıdır.

Futbolmedia.az xəbər verir ki, bu barədə "Give Me Sport" məlumat yayıb.

Madrid təmsilçisinin çalışdırıcısı Mbappedən daha çox hərəkət etməyi tələb edir.

25 yaşlı forvardın komandanın müdafiəsində də iştirak etməməsi italiyalı mütəxəssisin məyusluğuna səbəb olub.

Xüsusilə də "Barselona"ya son məğlubiyyətdən sonra Mbappe Ançelotti üçün "Real"ın ən böyük problemidir. O düşünür ki, Kilian komandaya balanssızlıq gətirib.

Qeyd edək ki, Mbappe bu yay PSJ-dən ayrıldıqdan sonra "kral klubu"na keçib. O, cari mövsüm La Liqada 10 matça çıxıb və 6 qol vurub.