PSJ-nin hücumçusu Kilian Mbappe bu yay yüksək məbləğdə pul mükafatı ala bilər .

Futbolmedia.az saytı "L'Equipe" nəşrinə istinadən xəbər verir ki, 24 yaşlı fransızın müqaviləsində sadiqlik bonusu var. Futbolçu yay transfer pəncərəsi zamanı klubu tərk etməsə, 100 milyon avro alacaq. Həmçinin PSJ Çempionlar Liqasını qazansaydı, fransalı oyunçunun klubu ilə müqaviləsi avtomatik yenilənəcəkdi.

Qeyd edək ki, Mbappe bu mövsüm bütün turnirlərdə 31 oyuna çıxıb, 30 qol vurub və 8 qolun ötürməsini verib. Onun klubla müqaviləsi 2025-ci ilin yayına kimi nəzərdə tutulub.