Qış təlim-məşq toplanışlarını davam etdirən "Araz-Naxçıvan" və "Səbail" bu gün yoxlama oyunu keçirəcəklər.

Futbolmedia.az xəbər verir ki, komandalar “Azersun Arena”da üz-üzə gələcəklər. Görüş saat 15:00-da başlayacaq.

Bu, "Səbail"in cari fasilədə ilk yoxlama matçı olacaq. "Araz-Naxçıvan" isə yanvarın 9-da “Sumqayıt”la qarşılaşıb və 2:2 hesablı heç-heçə edib.

Qeyd edək ki, hazırda Misli Premyer Liqasının turnir cədvəlində "Araz-Naxçıvan" 39 xalla 2-ci, "Səbail" isə 9 xalla sonuncu - 10-cudur.

Yoxlama oyunu

15:00. "Araz-Naxçıvan" - "Səbail"

“Azersun Arena”