Türkiyə millisinin baş məşqçisi Vinçenzo Montella Millətlər Liqasının 4-cü turunda İslandiyaya qalib gəldikləri matç haqqında danışıb.

Futbolmedia.az xəbər verir ki, "ay-ulduzlular" görüşün 4-cü dəqiqəsində hesabda geri düşsələr də, sonda 4:2 hesablı qələbə qazanıblar. Bununla da Türkiyə millisi xallarının sayını 10-a çatdırıb və B Liqasının 4-cü qrupunda liderliyini davam etdirib.

sevindiyini deyib: "Bu, komandaya gəldikdən sonra məni ən çox sevindirən qələbələrdən biri oldu. Niyə bu qədər xoşbəxtik? Hesabda geriyə düşə biləcəyimiz şərait də var idi. Amma ötürmələrimizin 90 faizi dəqiq alındı. Qapıya 24 zərbə endirdik, 4 qol vurduq. Hazırda qrup 2-ciliyni təmin etmişik. Amma 1-ci olmaq istəyirik. Futbolçularımızın türk ürəyi ilə oynamağı məni qürurlandırır. Dörd fərqli futbolçumuz qol vurdu. Komanda ruhunun və yüksək səviyyəli hazırlığın ön plana çıxması belə nəticələrə səbəb olur. Hədəfimizə yaxınlaşırıq. A Liqasına yüksəlmək istəyirik. Doğru yoldayıq".