Azərbaycan milli komandasının hücumçusu Mahir Emreli sosial şəbəkə hesabında paylaşım edib.

Futbolmedia.az xəbər verir ki, 27 yaşlı hücumçu Millətlər Liqasının 4-cü turunda evdə Slovakiya ilə qarşılaşmada (1:3) qırmızı vərəqə almasına və bu səbəbdən tənqid olunmasına münasibət bildirib. O yazıb:

“Hörmətli azarkeşlər!

Öncə dəstəyinizə görə təşəkkür edirəm! Har biriniz içimdə olan Vətən sevgisini, Bayraq sevgisini yəqin ki, bilirsiniz. Uşaq yaşlarımdan milli komandanın müxəlif yaş qruplarında oynamışam və uzun müddətdir ki, milli komandanın üzvüyəm. Bəzən içimdəki qalib olmaq istəyi həddindən artıq çox olur. Bu istəyi oyunumda hər zaman göstərmək istəmişəm! Bəzən alınır, bəzən isə yox. Futbol saniyə oyunudur. Elə olur ki, qol vurmaqdan çox bəzən qolun qarşısını da almaq lazım olur va nəticə vərəqə ilə sonlanır.