Yunanıstanın "Asteras" klubunun baş məşqçisi Klod Makelele istefa verib.

Futbolmedia.az xəbər verir ki, Fransa millisinin, “Real”" və "Çelsi"nin sabiq yarımmüdafiəçisi cəmi 3 oyundan sonra komandadan getmək qərarına gəlib.

Buna səbəb klub rəhbərliyi ilə fikir ayrılığı olub. Makeleli "London World"ə verdiyi açıqlamada rəhbərliyin meydana çıxacaq oyunçu seçiminə də qarışdığını bildirib: "Kimin oynayıb, kimin oynamaması mənim qərarım olmalıdır. Nəticələrin pis olduğuna görə məni işdən çıxarmaq istəyirsənsə, bu yaxşıdır. Bu futboldur. Amma istəmirəm ki, qıraqdan mənə kim oynamalı, kim oynamamalı olduğunu desinlər".