Argentinalı Karlos Teves "Rosario Sentral"ın baş məşqçisi vəzifəsindən istefa vermək qərarına gəlib.

Futbolmedia.az xarici KİV-lərə istinadən xəbər verir ki, bu barədə mütəxəssis özü məlumat verib. O, Argentina klubunun prezidenti vəzifəsinə namizədlərin onun adından öz məqsədlərinə görə istifadə etməsini istəmidiyi üçün bu addımı atıb. Teves "Rosario Sentral"a siyasətlə deyil, futbolla məşğul olmağa gəldiyini deyib: "Kluba məlumat vermək istəyirəm ki, vəzifəmi tərk edirəm. Məşqçi kimi işləməyə davam etmək fikrində deyiləm. İnsanlara dəstək olduqları üçün təşəkkür edirəm.

Mən siyasətlə məşğul olmağa gəlməmişəm. Mənim adım siyasətdə görünəndə xoşum gəlmir. Mən bu işdə iştirak etmək istəmirəm, ona görə də istefa verirəm".