“Real”ın futbolçusu Antonio Rüdiger “Barselona”nın vingeri Lamin Yamal haqda danışıb.

Futbolmedia.az “The Inside Scoop”a istinadən xəbər verir ki, o, deyib: “Yamalın etdikləri inanılmazdır! Onun haqqını vermək lazımdır. O, artıq 17 yaşında “Barselona”da oynayır, Avro-2024-də özünü göstərdi. Ümid edirəm ki, o, sağlam qalacaq, çünki möhtəşəm gələcəyi olacaq. Açığı desəm, Yamalın etdikləri adamı qorxudur”.

Qeyd edək ki, Lamin Yamal bu mövsüm 10 matça çıxaraq 5 qol vurub və 5 qolun ötürməsini edib. 17 yaşlı ispaniyalı futbolçunun “Barselona” ilə müqavilə 2026-cı ilə qədərdir. Onun dəyəri “Transfermarkt” portalına görə 120 milyon avrodur.