Bolqarıstanın Razqrad şəhərində “Ludoqorets" və "Qarabağ" komandaları arasında Çempionlar Liqasının 3-cü təsnifat mərhələsinin cavab oyununda (ilk oyun 2:1) anşlaq yaşanacaq.

Futbolmedia.az “Topsport.bg” portalına istinadən xəbər verir ki, oyun üçün satışa çıxarılan bütün biletlər satılıb.

Qarşılaşma zamanı tribunaların tam dolacağı gözlənilir.

“Ludoqorets” – “Qarabağ” matçı avqustun 13-də 12500 tamaşaçı tutumuna malik “Huverfarma Arena” stadionunda keçiriləcək. Oyun Bakı vaxtı ilə saat 22:00-da başlayacaq.