Bolqarıstanın “Ludoqorets”inin qapıçısı Hendrik Bonmann Çempionlar Liqasının 3-cü təsnifat mərhələsində qarşılaşacaqları “Qarabağ” haqda danışıb.

Futbolmedia.az "Dsport"a istinadən xəbər verir ki, qolkiper Ağdam təmsilçisinə qarşı görüşlərin çox çətin olacağını vurğulayıb: "Buna əmin olmaq üçün “Qarabağ” – “Bayer” matçına baxmaq kifayətdir. Turnir hər yeni mərhələsi ilə getdikcə çətinləşir. Hazırlaşmalıyıq. Düşünürəm ki, “Qarabağ”la oyunda şansımız var. İlk oyunu harada keçirməyin daha yaxşı olduğu barədə heç nə deyə bilmərəm. Biz səfərdə yaxşı çıxış etmək və sonra azarkeşlərimizin qarşısında bunu davam etdirmək istəyirik”.

Qeyd edək ki, "Qarabağ"ın "Ludoqorest"lə ilk oyunu avqustun 6-ı Bakıda, cavab görüşü isə avqustun 13-ü səfərdə keçiriləcək.