"Oyun çətin oldu, rəqibin gücünü bilirdik. Dik durmağa çalışdıq. Amma bilirdik ki, hansı komanda ilə oynayırıq. “Qarabağ” çox güclü idi. Sona qədər vuruşduq. Lakin heç nə alınmadı, bacarmadıq".

Futbolmedia.az xəbərə verir ki, bu sözləri Çempionlar Liqasının 2-ci təsnifat mərhələsində keçirilən “Qarabağ” – “Linkoln” (Cəbəllütariq) oyunundan (5:0) sonra qonaq komandanın baş məşqçisi Xavyer Munyos mətbuat konfransında deyib.

İspaniyalı mütəxəssis "Qarabağ" Çempionlar Liqasının qrupunda oynaya bilər?" sualnın belə cavablandırıb: "Həqiqətən, çox güclü komandanız var. Qurban Qurbanov uzun müddətdir buradadır. Bəlli ideyası, strategiyası olan komandası var. Bu komandada olan istedadlı futbolçular, performanslarına görə ÇL-in qrupuna əsas namizədlərdən sayılır. Amma futbol oynamaq, mərhələlər keçmək lazımdır".