“Qarabağ”ın braziliyalı yarımmüdafiəçisi Julio Romao Çempionlar Liqasının 1-ci təsnifat mərhələsində Cəbəllütariq “Linkoln”una qarşı keçirəcəkləri matçlar haqqında danışıb.

Futbolmedia.az xəbər verir ki, o, uğur qazanmaq üçün əllərindən gələni edəcəklərini deyib:

“Linkolna qarşı oyunlar çox çətin olacaq. İlk görüşə tam gücümüzlə yanaşmalıyıq. Çempionlar Liqası asan turnir deyil. Ona görə də qələbə qazanmaq üçün mümkün qədər konsentrasiya olmalıyıq. Biz Çempionlar Liqasının başlamasını səbirsizliklə gözləyirik və uğur qazanmaq istəyirik”.

Qeyd edək ki, "Qarabağ"la "Linkoln" arasındakı ilk matç iyulun 11-də Cəbəllütariqdə olacaq. Cavab oyunu isə iyulun 19-da Bakıda keçiriləcək.