“Zirə”nin sabiq müdafiəçisi Nemanya Ancelkoviçin yeni klubu müəyyənləşib.

Futbolmedia.az xəbər verir ki, serbiyalı müdafiəçi karyerasını Rusiyanın “Ximki” klubunda davam etdirəcək. 27 yaşlı futbolçu yeni klubuna azad agent kimi qoşulub.

Qeyd edək ki, Ancelkoviç 2021-2023-cü illərdə “Zirə”nin şərəfini qoruyub. O, “qartallar”ın heyətində meydana çıxdığı 55 matçda 1 qol vurub.

Serb müdafiəçi ötən mövsümü isə Rusiyanın I Liqa klubu “Akron”da keçirib. Bu komanda ilə Premyer Liqaya vəsiqə qazansa da, Ancelkoviç qarşılıqlı razılıq əsasında kollektivdən ayrılıb.