"Zirə" ilə müqaviləsi başa çatan Nemanya Andelkoviç Rusiyanın "Akron" klubuna transfer olunub.

Futbolmedia.az klubun saytına istinadən xəbər verir ki, serbiyalı müdafiəçi ilə uzunmüddətli müqavilə imzalanıb. O, 1-ci liqa təmsilçisində 26 nömrəli forma ilə çıxış edəcək.

Qeyd edək ki, Andelkoviç 2021-ci ilin yanvarından "Zirə"də oynayırdı. Onun klubu ilə müqaviləsi 2022/2023 mövsümünün sonu başa çatmışdı.

Xatırladaq ki, bundan əvvəl Coşqun Diniyev, Mehdi Cənnətov, Hamidu Keyta, Mirsaib Abbasov, Mois Adileu, Loris Broqno, Cəlal Hüseynov, Ruslan Abışov, Sərtan Taşkın, Mohamed Hamdaui, Donald Gerye "Zirə"dən ayrılıblar.