“Şamaxı” heyətini daha bir futbolçu ilə gücləndirib.

Futbolmedia.az klubun mətbuat xidmətinə istinadən xəbər verir ki, müdafiəçi Lubeni Haukonqo transfer edilib.

Namibiya millisinin üzvü olan mərkəz müdafiəçisi ilə bir illik müqavilə imzalanıb.

Lubeni son olaraq Cənubi Afrika Respublikasının “Cape Town Spurs” klubunda çıxış edib.

Qeyd edək ki, 24 yaşlı futbolçu 2021-ci ildən Namibiya millisinə dəvət alır.

Xatırladaq ki, "Şamaxı" bu yay Adil Nağıyev, Rafael Məhərrəmli, İlkin Muradov, Rauf Rüstəmli, Rüfət Abbasov, Belajdi Pusi, Brahim Konate, Georgi Kantariya və Kamal Bayramovu da heyətə cəlb edib.