Dünən millimiz DÇ-2022-nin seçmə mərhələsində növbəti oyununa çıxıb. Canni de Byazinin baş məşqçisi olduğu komanda A qrupunun üçüncü turunda səfərdə Lüksemburqla qarşılaşıb. Görüş meydan sahiblərinin 2:1 hesablı qələbəsi ilə başa çatıb. Məğlubiyyət istənilən komanda üçün qaçılmazdı. Lakin baxır necə və hansı komandaya məğlub olursan. Bundan başqa məğlubiyyətə doğru aparan yolların cığırlarını oyundan öncə görmək olardımı? Bəli. Bu elə start heyətinin qurulmasında açıq-aydın millimizin ilk dəqiqələrdə qorxaq futbol nümaiş etdirəcəyinə dəlalət edirdi. Mən ölüm siz start heyətinə bir baxın. Sonrada ehtiyyat skamiyanı gözdən keçirin.

1. Şahruddin Məhəmmədəliyev, 2. Qara Qarayev, 3. Azər Salahlı, 4. Höccət Haqverdi, 5. Maksim Medvedev, 8. Emin Mahmudov, 9. Əli Qurbani, 13. Abbas Hüseynov, 17. Toral Bayramov, 20. Filip Ozobiç, 21. İsmayıl İbrahimli

Ehtiyat oyunçular: 12. Mehti Cənnətov, 23. Aydın Bayramov, 6. Vüqar Mustafayev, 7. Namik Ələskərov, 10. Mahir Emreli, 11. Ramil Şeydayev, 14. Elvin Bədəlov, 15. Sertan Taşkın, 16. Anatoli Nuriyev, 18. Anton Krivotsyuk, 19. Təmkin Xəlilzadə, 22. Rəhim Sadıxov.

Biri məni başa salsın ki, De Byazi bu komandanı Luksenburqa qələbə qazanmaq üçün aparıb, yoxsa uduzdurmaq. Son günlər vurduğu qollarla nəiki Azərbaycanda, Polşada, hətta avropada diqqət çəkən Mahir Emreli niyə ehtiyyatda qalmalıdır. Türkiyənin “Bursaspor” komandasında top qovan Namiq Ələsgərov, “Qarabağ”ın heyətində Konfrans Liqasının qrup mərhələsinə vəsiqə qazanan, əla formada olan Ramil Şeydayev, Ukrayna, Polşa klublarında çıxış edən Anatoli Nuriyev, 18. Anton Krivotsyuk nədən və nə üçün əsas heyətdə yer almamışdılar. Məqsədinz nə idi? Millimizi yenidən özündən qat – qat cılız, cırtdan, ölkə qarşısında rəzil etməkmi? Bunu bacardınız. Yenə möhtəşəm bacardınız. Ancaq onu deyim ki, bu məğlubiyyəti, xainliyi, vətənə, futbolumuza olan düşmanlığı Elxan Məmmədov, Rövnəq Abdullayevin,Riad Rəfiyevin və sair adlarına yazmaq lazımdır. Elxan Məmmədov illərdi futbolumuzu dirçəlməyə, ayılmağa, ayağa qalxmasına imkan vermir. Hər fürsətdə başından basıb suda boğur. Luksenburq millisinə qarşı oynayan əsas heyət üzvlərinin bir neçəsinə baxdıqda, kimlərin maraqlarına xidmət etdiyini görmək çətin deyil. Höccət Haqverdiyev, Əl Qurbani, və digər 1-2 futbolçuların belə rəsmi önəmli oyunlarda əsas heyətdə, ilk 11-likdə nə işi var? Mahir Emreli, Namiq Ələsgərov,Ramil Şeydayev, Anton Krivotsyuk,Nuriyevin formalarının pik vaxtlarında niyə ehtiyyatda qalmalıdırlar. İndi deyəcəksinin ki, bəs De Byazi onları ikinci hissə meydana buraxdı. Komanda iki top fərqi ilə məğub durumda olduğu halda meydana çıxan futbolçuların psixoloji durumu, üzərində olan gərginliyi kimin ayağına yazaq bəs? Elə adı çəkilən futbolçuların meydana çıxmasından sonra Azərbaycan millisinin oyununda canlanma oldu. Çoxlu sayda rəqibin qapısına hücumlar təşkil edildi. Təhlükəli real qol vəziyyətləri oldu. Onlardan birinidə qol olaraq reallaşdıra bildik. Lakin ilk itirilmiş hissə, bilərəkdən edilmiş səhv, qəsdi-qərəzlik üzündən məğlubiyyətdən qaça bilmədik. Bir sözlə, istəyirsiniz əlimi qurana basıb and içim ki, bu heyətin bir neçə üzvünü AFFA-nın önəmli fiquru Elxan Məmmədov və dostu Riad Rəfiyev tandemi qurmuşdu. Yenə həmin çirkli,qanlı, əllərini futbolumuzdan çəkmirlər. Riad Rəfiyev “Sumqayıt”ın zakazla qoyulmuş prezidentidir. Həm də, yaxşı futbolçu alıb-satmaq bacarığı olan menecerdi. Yəni hazırda onun maddi maraqları millidən önəmlidir. Elxan Məmmədov futbolumuzun başında olan böyük bir bəladır. İllərlə bu yaradan, bu vurusdan qurtula bilmirik. Özü kimi futbolumuzu məhv edən Kamran Quliyevləri, Riad Rəfiyevləri, gətirib otuzdurub önəmli klubların başında. Onlara da,öz maddi maraqları, naminə futbolumuzu məhv edirlər. Vallah, Billah, dünyanı cənginə almış koronavirus bəlasından canımız 1-2 ilə qurtaracaq. Ancaq bu Rövnəq Abdullayev, Elxan Məmmədov, Riad Rəfiyev, Kamran Quliyev bəlasından canımız uzun illər qurtarmayacaq. Onların yerlərini tez-tez dəyişməklə hər tərəfi bulayırlar. Elə bir məsəl var. İçimiz özümüzü yandırır, çölümüz özgəni. İçimdən deməyə bir söz gəlir. De Byazi, Riad Rəfiyev, boyda daş düşsün başına Elxan Məmmədov.

Əli Həyati