"Avro 2020-nin Bakıdakı oyunlarına gələcək minlərlə azarkeşi salamlamaqdan məmnunuq. Qonaqlarım Bakımızdan zövq almasını təmin etmək üçün yaxşı bir plan hazırlamışıq".

Futbolmedia.az xəbər verir ki, bu sözləri AFFA-nın icraçı vitse-prezidenti Elxan Məmmədov Uels mətbuatına açıqlamasında deyib.

O, Avro-2020-nin Bakıda keçiriləcək oyunlarda azarkeşlərin bayram ab-havası yaşayacağını bildirib: "Bakı bir neçə aydır ki, ilk dəfə qəbul edəcəyi bu turnir üçün hazırlaşır. Bilirəm ki, hər kəs bu səfəri unudulmaz bayrama çevirməkdə qərarlıdır. Qarşıdakı həftələrdə bu bayrama qoşulacaq azarkeşləri səbrsizliklə gözləyirik”.