Türkiyə millisinin kapitanı Hakan Çalhanoğlu Avro-2024-ün qrup mərhələsinin 1-ci turunda Gürcüstana qalib gəldikləri (3:1) oyun haqqında fikirlərini bölüşüb.

Futbolmedia.az UEFA-nın saytına istinadən xəbər verir ki, o, çox vacib qələbə qazandıqlarını vurğulayıb:

"Bu, bizim üçün çox vacib oyun idi. Qələbə qazanmalı idik və qazandıq. Bütün heyətin məqsədimizə çatmaq üçün necə çalışdığını görürəm. Final fitinə qədər bizi coşqu ilə dəstəkləyən azarkeşlərimizə təşəkkür edirəm".

Qeyd edək ki, Türkiyə millisi 2-ci turda Portuqaliya ilə qarşılaşacaq. Matç iyunun 22-də keçiriləcək və Bakı vaxtı ilə saat 20:00-da başlayacaq.