“Mançester Siti”nin yarımmüdafiəçisi Kevin De Bruyne yay transfer pəncərəsində komandasını tərk edə bilər.

Futbolmedia.az “Football Insider”-ə istinadən xəbər verir ki, belçikalı futbolçu karyerasını davam etdirmək üçün tezliklə bir neçə təklif alacaq.

De Bruynenin bu ay 33 yaşı tamam olur, buna görə də, futbolçu artıq “Mançester Siti”ni tərk etməyi düşünür. Yarımmüdafiəçinin “şəhərlilər”lə anlaşması 2025-ci ilin yayında başa çatır və o, müqaviləni uzatmaq istədiyi barədə hələ heç bir “siqnal” verməyib.

De Bruyne İngiltərə Premyer Liqasında “Mançester Siti” ilə 6 dəfə çempion olub. Belçikalı futbolçu son mövsümdə 18 matçda 4 qol vurub, 10 məhsuldar ötürmə edib.