"Mançester Siti"nin baş məşqçisi Pep Qvardiola komandanın hücumameyilli yarımmüdafiəçisi Fil Foden haqda danışıb.

Futbolmedia.az TV2-yə istinadən xəbər verir ki, o, ingiltərəli futbolçunu Lionel Messi ilə müqayisə edib:

"Yaxşı oyunçular yaxşı oynaya bilər, lakin matçlarda qalib gəlməlidirlər. Messidən sonra ən yaxşı oyunçu ilə tanış oldum. Onları müqayisə etmək istəmirəm, çünki Fil Leo səviyyəsində deyil. Lakin o, matçlarda qalib gəlir”.

Qeyd edək ki, 23 yaşlı futbolçu bu mövsüm 40 matda 18 qol vurub, 10 qolun ötürməsini verib.