"İnter Mayami"nin hücumçusu Lionel Messi "Mançester Siti"nin baş məşqçisi Xosep Qvardiola haqda fikirlərini bölüşüb.

Futbolmedia.az “Marca”ya istinadən xəbər verir ki, argentinalı futbolçu Xosepin futbolla etdiklərini fantastika adlandırıb:

“O, təkcə İspaniyada deyil, Avropada, bütövlükdə dünyada futbolu dəyişdi. Buna görə Qvardiola hətta futbola ziyan da vurdu. Çünki indi çox insan öz yolu ilə getmək və oyun üslubunu inkişaf etdirmək əvəzinə, onu təkrarlamağa çalışır”.

Xatırladaq ki, Messi Qvardiolanın rəhbərliyi altında “Barselona”da çıxış edib.