PSJ-nin yeni transferi Lionel Messinin Fransa çempionatında debüt edəcəyi vaxt məlum olub.

Futbolmedia.az Fransa mətbuatına xəbər verir ki, bu barədə komandanın baş məşqçisi Maurisio Poçettino danışıb. O, Liqa 1-in 3-cü turunun “Brest”lə səfər matçından (4:2) sonra keçirilən mətbuat konfransında Messinin növbəti görüşdə meydanda ola biləcəyini deyib.

Qeyd edək ki, PSJ növbəti turda “Reyms”lə qarşılaşacaq. Oyun avqustun 29-da keçiriləcək.