Antalyada təlim-məşq toplanışında olan "Sumqayıt" bu gün 2-ci yoxlama oyununa çıxacaq.

Futbolmedia.az xəbər verir ki, Samir Abasovun komandası Özbəkistan “Soqdiana”sı ilə üz-üzə gələcək. Görüş Bakı vaxtı ilə saat 17:00-da başlayacaq.

“Soqdiana” Özbəkistan çempionatının son mövsümünü 27 xalla 11-ci pillədə başa vurub. "Sumqayıt" isə Misli Premyer Liqasında 27 xalla 4-cüdür.

Qeyd edək ki, "Sumqayıt" ilk yoxlama oyununda Rumıniya təmsilçisi “Hermanştadt”a 0:3 hesabı ilə uduzub.