"Panatinaikos"a baş məşqçi təyin olunan Fatih Terimin Yunanıstan klubunda alacağı maaş müəyyənləşib.

Futbolmedia.az xəbər verir ki, 70 yaşlı mütəxəssis bonuslar xaric olmaqla illik 900 min avro qazanacaq. Komandanın sabiq baş məşqçisi İvan İvanoviç də məhz bu məbləğdə maaş alırdı.

Yunanıstan mətbuatında yayılan məlumata görə, bu, "Panatinaikos"un son 10 ildə baş məşqçilərinə verdiyi ən yüksək məvacibdir.

Qeyd edək ki, "Panatinaikos" Fatih Terimlə 1,5 illik müqavilə imzalayıb.