“Çıxışımızdan razıyam. Çox güclü qrupumuz var idi və bunun asan olmayacağını bilirdik. Qrupumuzda Almaniyanın çox məşhur komandası olan "Bayer" Leverkuzen var idi".

Futbolmedia.az xəbər verir ki, bu sözləri "Qarabağ"ın braziliyalı futbolçusu Julio Romao ölkəsiin "Tntsports" nəşrinə açıqlamasında deyib.

"Pley-offa çıxmaq üçün çox iş gördük. Bu, böyük xoşbəxtlik və müvəffəqiyyət hissi üçün bir səbəbdir. Ancaq işimiz burada bitmir. Növbəti mərhələyə yaxşı hazırlaşmaq üçün qarşıdakı oyunlara diqqət etməliyik"- deyə o bildirib.

Futbolçu 1/16 final mərhələsində Portuqaliya klublarından biri ilə qarşılaşmaq istədiyini vurğulayıb: "Çünki "Qarabağ"a keçməmişdən əvvəl bu ölkədə çıxış edirdim. Bu, əla olardı. İki mövsüm "Santa-Klara"da oynadım. Amma hansı komanda ilə düşməyimizdən asılıq olmayaraq, hazır olmalıyıq. Çox çalışmalı və performansımızın aşağı düşəməsinə imkan verməməliyik. yaxşı matçlar oynamaq istəyirik. Niyə yenidən növbəti mərhələyə yüksəlməyi xəyal etməyək?".