Şotlandiya "Aberdin"in baş məşqçisi Stiven Qlass Konfrans Liqasının pley-off mərhələsində "Qarabağ"la oyunlar öncəsi fikirlərini bölüşüb.

Futbolmedia.az "BT"yə istinadən xəbər verir ki, o, Azərbaycana səyahətin asan olmayacağını deyib:

"İsti hava və uzun uçuş bizi gözləyir."Qarabağ"ın böyük təcrübəsi var. Hər iki klub qrup mərhələsinə düşməyi hədəfləyir. Biz buna hazırıq. Birinci matçdan sonra bərpa üçün vaxtımız olacaq. Düşünürəm ki, oyunçularım əldə etdikləri şansı başa düşürlər. Onlar anlamalıdırlar ki, cavab matçı doğma meydanda olacaq və bu, bizim üstünlüyümüzdür. Cavab oyunundan əvvəl sərfəli nəticə əldə etməliyik. Keçilə biləcək komandaya qarşı yaxşı şansımız var".

Qeyd edək ki, bu komandalar arasında ilk oyun avqustun 19-da Bakıda, cavab görüşü isə avqustun 26-da Aberdində keçiriləcək.