Şotlandiyanın “Aberdin” klubunun futbolçusu Rayan Hedces Konfrans Liqasının pley-off mərhələsində “Qarabağ”a qarşı keçirəcəkləri oyunlarla bağlı fikirlərini bildirib.

Futbolmedia.az xəbər verir ki, 3-cü təsnifat mərhələsinin "Breydablik"lə (İslandiya) cavab matçında (2:1) dubl edən 26 yaşlı hücumçu yerli mətbuata açıqlamasında Bakı səfərini səbirsizliklə gözlədiyini deyib:

“Qollar vurduğum və növbəti mərhələyə yüksəldiyimiz üçün xoşbəxtəm. Azərbaycana getmək üçün səbirsizlənirəm. İlk oyun səfərdədir, daha sonra evdə oynayacağıq. İki matçın nəticəsinə əsasən, məsələnin taleyini həll edə bilərik”.

Qeyd edək ki, “Qarabağ” “Aberdin”lə ilk matçı avqustun 19-da Bakıda, cavab matçını isə 26-da Şotlandiyada keçirəcək.