Azərbaycan millisinin futbolçusu Coşqun Diniyevin formasını geyindiyi "Ümraniyespor" Türkiyə 1-ci liqasında 14-cü tur oyununa çıxıb.

Futbolmedia.az xəbər verir ki, komanda "Kocaelispor"un qonağı olub və 3:0 hesabı ilə qalib gəlib. C.Diniyev start heyətdə meydana çıxıb və 83-cü dəqiqədə əvəzlənib. O, komandasının ilk qolunun müəllifi olub.

"Kocaelispor" - "Ümraniyespor" - 0:3
Qollar: Coşqun Diniyev, 29, Goksu, 45+2, Abdioğlu, 90+1-avtoqol.

Qeyd edək ki, "Ümraniyespor" 15 xalla 12-ci pillədə qərarlaşıb. Siyahıya 33 xalla "Eyüpspor" başçılıq edir.