İspaniya La Liqasının autsayderi “Qranada”nın yeni baş məşqçisi müəyyənləşib.

Futbolmedia.az xəbər verir ki, bu barədə klubun saytı məlumat yayıb. Komandaya Aleksandr Medina baş məşqçilik edəcək.

45 yaşlı uruqvaylı mütəxəssis bu vəzifədə noyabrın 26-da istefaya göndərilən Pako Lopezi əvəzləyib. A.Medina ilə imzalanan müqavilənin detalları hələlik açıqlanmayıb.

Bu mövsüm "Qranada" İspaniya La Liqasında 14 oyundan yalnız 1-də qalib gəlib. Komanda 7 xal toplayıb və turnir cədvəlində 19-cu yerdədir.