AFFA İntizam Komitəsinin iclası keçirilib.

Futbolmedia.az xəbər verir ki, bu gün keçirilən iclasda 1-ci liqanın son turunda baş verən qayda pozuntuları ilə bağlı qərarlar qəbul edilib:

1-ci liqanın 4-cü turunun “Zaqatala” – “Karvan” oyununda topdaşıyan şəxslərin yaş limiti pozulduğuna görə “Zaqatala” klubu 80 manat cərimə edilib.

“Zaqatala” – “Karvan” oyununda xərəkdaşıyan şəxslərin say limiti pozulduğuna görə “Zaqatala” klubu 80 manat cərimə edilib.

“Zaqatala” – “Karvan” oyununun 65-ci dəqiqəsində “Zaqatala” klubunun futbolçusu Rüstəm Nuruyev ciddi qayda pozuntusuna görə birbaşa qırmızı vərəqə aldığı üçün 2 oyun cəzalanıb, “Zaqatala” klubu 150 manat cərimə edilirb.

4-cü turun “Difai Ağsu” – “Qaradağ Lökbatan” oyununda “Difai Ağsu” klubunun 4 futbolçusu sarı vərəqə aldığına görə klub 70 manat cərimə edilib.

“Difai Ağsu” – “Qaradağ Lökbatan” oyununa təcili tibbi yardım avtomobili təyin edilmiş vaxtdan gec gəldiyinə görə “Difai Ağsu” klubu 100 manat cərimə edilib.