"Neftçi"nin zədəli futbolçularının son durumuna aydınlıq gəlib.

Futbolmedia.az xəbər verir ki, komandanın baş həkimi Şaiq Zöhrablı bununla bağlı klubun rəsmi saytına açıqlamasında zədəli futbolçulardan yalnız Emil Balayevin bərpa prosesi keçdiyini, digərlərinin artıq sağaldığını bildirib:

“Yalnız Emil Balayev bərpa prosesi keçir. Digər futbolçular, demək olar ki, artıq komanda ilə məşqlərə qoşulublar. Bəziləri fərdi, bəziləri isə ümumi qrupda hazırlaşırlar. Başqa zədəli futbolçumuz yoxdur”.

Qeyd edək ki, "Neftçi" bu gün Azərbaycan Premyer Liqasının 7-ci turunda "Zirə" ilə qarşılaşacaq. Bu oyun saat 20:30-da başlayacaq.