"Neftçi"nin futbolçusu Rəhman Hacıyev Misli Premyer Liqasının 25-ci turunda "Qarabağ"la oyunu da buraxacaq.

Futbolmedia.az xəbər verir ki, bu barədə “ağ-qaralar”ın baş həkimi Şaiq Zöhrablı klubun televiziyasına açıqlamasında deyib. Bir müddətdir zədəli olan 29 yaşlı yarımmüdafiəçi hələlik fərdi məşqlərlə kifayətlənir. Buna görə də o, derbidə iştirak etməyəcək.

Bildirilir ki, "Neftçi"nin heyətində başqa zədəli futbolçu yoxdur.

Qeyd edək ki, bu gün keçiriləcək "Qarabağ" - "Neftçi" görüşü saat 20:00-da başlayacaq.

Xatırladaq ki, Rəhman fevralın 5-də zədələnib.