“Yuventus”un müdafiəçisi Leonardo Bonuççi onun əsas komandadan uzaqlaşdırılması qərarına görə klubu məhkəməyə verməyə hazırdır.

Futbolmedia.az “La Gazzetta dello Sport”a istinadən xəbər verir ki, Bonuççi onu məhkəmədə təmsil etmək üçün artıq vəkillər tutub. Futbolçu müqaviləsinin ləğvinə görə iki milyon avro məbləğində təzminat tələb edir.

Eyni zamanda, müdafiəçi Avropada qalacağına ümid edir. O, Niderlandın "Ayaks" klubu ilə əlaqə saxlayır .

Qeyd edək ki, 36 yaşlı futbolçu 13 ildir "Yuventus"da çıxış edir. Klub onu satışa çıxarıb.