PSJ-nin hücumçusu Kilian Mbappe Fransa çempionatının 2023/24 mövsümünün ilk oyununda heyətdə yer almayacaq. Parislilər 1-ci turda “Loryan”la qarşılaşacaqlar.

Futbolmedia.az xarici KİV-ə istinadən xəbər verir ki, buna səbəb onun adının transfer məsələlərində olduqca çox hallanmasıdır. İngiltərədən “Liverpul” və İspaniyadan “Real” Mbappe ilə maraqlanan klublar arasında yer alır.

“Marca” nəşri öncədən Fransa millisinin üzvünün ayrıca məşq etdiyi haqda xəbər də vermişdi.

Mbappe 2017-ci ilin avqustundan PSJ-də çıxış edir. O, 2022/23 mövsümündə bütün turnirlər daxil olmaqla 43 oyuna çıxıb, 41 qol vurub və 10 məhsuldar ötürmə edib.