Azərbaycan millisinin futbolçusu Mahir Emrelinin formasını geyindiyi "Dinamo" bu gün Xorvatiya çempionatında 3-cü tur oyununa çıxıb.

Futbolmedia.az xəbər verir ki, Zareb təmsilçisi doğma meydanda "Qoritsa" ilə qarşılaşıb. Matç 0:0 hesabı ilə başa çatıb.

Mahir matçın 78-ci dəqiqəsində Dario Şpikiçin əvəzinə meydana daxil olub.

Qeyd edək ki, "Dinamo" bu nəticədən sonra 4 xalla 4-cü, "Qoritsa" 5 xalla 3-cü pillədə qərarlaşıb.

Xatırladaq ki, M.Emreli 2-ci turda "İstra"ya qarşı keçirilən səfər oyununda (3:0) bir qol vurub və bir qol ötürməsi edib.