"Qarabağ"ın Çempionlar Liqasının 3-cü təsnifat mərhələsindəki potensial rəqibləri olan Kipr "Aris"i və Belarus BATE-si 2-ci mərhələnin ilk oyunu çərçivəsində üz-üzə gəliblər.

Futbolmedia.az xəbər verir ki, Limasolda keçirilən matç "Aris"in 6:2 hesablı qələbəsi ilə başa çatıb.

"Aris" - BATE - 6:2
Qollar: Qomis, 17-pen. (1:0), Benqtsson, 32 (2:0), Bane, 40-avtoqol (3:0), Kontsevoy, 48 (3:1), Qomis, 60 (4:1), Xadarkeviç, 66 (4:2), Montnor, 83 (5:2), Stepinski, 90+1 (6:2)

Qeyd edək ki, bu komandalar arasında cavab qarşılaşması avqustun 1-də Macarıstanda keçiriləcək.

Əlavə edək ki, "Rakov" (Polşa) - "Qarabağ" cütünün qalibi ÇL-in 3-cü mərhələsində "Aris" - BATE duelinin güclüsü ilə qarşılaşacaq.