"Barselona"nın baş məşqçisi Xavi Ilkay Gündoğanın Kataloniya klubuna transferindən danışıb.

Futbolmedia.az xəbər verir ki, o, "Sport"a açıqlamasında Almaniya millisinin üzvü haqda xoş sözlər deyib:

“Gündoğan yarımmüdafiədə universal oyunçu, təcrübəli, son Çempionlar Liqasının qalibidir. O, “Mançester Siti”nin kapitanı idi. Gündoğan çox hazırlıqlıdır və bu, “Barselona”ya üstünlük verəcək. İlkay bizə yeni titullar üçün gəlib.

Bu keçid "Barselona" brendinin nə olduğunun mükəmməl xülasəsidir. Bizə “yox” deyəcək bir futbolçuya rast gəlməmişəm. İnsanlar gördülər ki, biz yenidən rəqabət aparırıq. Gündoğan başqa bir nümunədir. O, "Barselona"da uğur qazanmağı xəyal edir. Çünki klubun brendi təsiredicidir”.

Qeyd edək ki, türk əsilli alamaniyalı oyunçu 2022/2023 mövsümündə "Mançester Siti"nin heyətində bütün yarışlarda 51 oyuna çıxıb, 11 qol vurub və 6 məhsuldar ötürmə edib.