"Qarabağ"la çətin bir mövsüm keçirdik. Mən də, bir neçə qolun müəllifi oldum. Komandama çempionluq yolunda faydam dəyibsə, buna yalnız sevinə bilərəm. Çempionluq sevinci hər zaman fantastikdir.

Bu sözləri, Futbolmedia.az saytına açıqlamasında "Qarabağ"ın futbolçusu Bəhlul Mustafazadə deyib. Futbolçu Çempionlar Liqasında keçirəcəyi yarışla da, bağlı bunları söylədi.

" Hər kəs yaxşı bilir ki, çox ciddi bir yarışa hazırlaşırıq. Bu turnirdə yalnız çempionlar və güclülər oynayır. Komandamızın potensialı və təcrübəsi var. Əlimizdən gələni edəcəyik ki, bu dəfə də, azarkeşlərimizi sevindirək.