"Yuventus"un baş məşqçisi Massimiliano Alleqri A seriyasında komandasının aktivindən 10 xal silinməsi haqda danışıb.

Futbolmedia.az xəbər verir ki, mütəxəssis A seriyasının 36-cı turunda "Empoli" ilə matçdan sonra açıqlamasında (1:4) bu məsələyə görə qəzəbləndiyini bildirib: “Biz bəhanə axtara bilmərik. Biz “Yuventus”uq, qalib gəlməyə və ya heç olmasa, qələbə üçün mübarizə aparmağa öyrəşmişik.

Təbii ki, oyunun başlamasına 10 dəqiqə qalmış hökmün verilməsi qəribədir. Amma bu, bizim psixoloji çöküşümüzə haqq qazandırmır. İndi biz ancaq susub məğlubiyyəti qəbul edə bilərik. Matçdan əvvəl 69 xalımız var idi, ikinci idik, bu hamıya aydın olmalıdır. Hətta 10 xal silindikdən sonra belə "Empoli"yə qalib gəlsəydik, bu, bizə "Milan"la Çempionlar Liqasına vəsiqə uğrunda mübarizə aparmaq şansı verərdi. Təəssüf ki, işlər başqa cür oldu.