İsveçrə Super Liqasında 30-cu turun oyunları keçirilir.

Futbolmedia.az xəbər verir ki, millimizin hücumçusu Renat Dadaşovun çıxış etdiyi "Qrasshopper" lider "Yanq Boyz"u qəbul edib və 4:1 hesabı ilə qalib gəlib.

"Qrasshopper" - "Yanq Boyz" - 4:1
Qollar: Demhasay, 23 (1:0), Fassnaçt, 31 (1:1), Puşiç, 42 (2:1), Lustenberger, 49-avtoqol (3:1), Puşiç, 78-pen. (4:1)

Renat Dadaşov matça ehtiyat oyunçular skamyasında başlayıb və 88-ci dəqiqədə meydana daxil olub.

Xallarını 40-yə yüksəldən "Qrasshopper" turnir cədvəlinin 5-ci pilləsində qərarlaşıb. "Yanq Boyz" 61 xalla 1-cidir.