İsveçrə çempionatında 24-cü turun oyunları keçirilib.

Futbolmedia.az saytı İsveçrə mətbuatına istinadən xəbər verir ki, Azərbaycan millisinin hücumçusu Renat Dadaşovun formasını geyindiyi “Qrasshopper” doğma meydanda “Vintertur”la qarşılaşıb. Renatın komandası oyundan qələbə ilə ayrılıb - 2:1.

Renat da bu görüşün iştirakçısı olub. O, əsas heyətdə meydana çıxıb və sonadək mübarizə aparıb. "Qrashopper"in ilk qolunu da elə məhz 41-ci dəqiqədə Dadaşov vurub. Renat 90+4-cü dəqiqədə sarı vərəqə ilə də cəzalanıb.

Qeyd edək ki, “Qrasshopper” 24 turdan sonra 28 xalla 10 iştirakçı arasında 7-ci pillədə qərarlaşıb.

"Qrasshopper" - "Vintertur" - 2:1

Qollar: Dadaşov, 41, Şxettin, 63 - Araya, 47