Portuqaliya çempionatında 5-ci turun oyunları keçirilib.

Futbolmedia.az xəbər verir ki, azərbaycanlı hücumçu Renat Dadaşovun çıxış etdiyi “Tondela” bu turda doğma meydanda “Eştoril”lə qarşılaşıb və 1:2 hesabı ilə uduzub.

Renat da bu matçda iştirak edib. O, start heyətdə meydana çıxıb və sonadək mübarizə aparıb. 22 yaşlı futbolçu 75-ci dəqiqədə sarı vərəqə də alıb.

“Tondela” 5 turdan sonra 3 xalla 18 komanda arasında 16-cı pillədə qərarlaşıb.